پولنگ کے انتظامات اور امن و امان کی صورتحال کا جائزہ لیا۔ خاص طور پر ووٹنگ کے دوران بدامنی کا شکار ہونے والے پولنگ اسٹیشن کتھیلی کا بھی معائنہ کیا جبکہ کومی کوٹ،ڈنہ، گڑھی دوپٹہ، چناری، ہٹیاں بالا چکوٹھی اور جہلم ویلی کے مختلف پولنگ اسٹیشنز کا جائزہ لیا۔ مجموعی طور پر امن وامان کے قیام کے حوالہ سے تمام پولنگ اسٹیشنز پر بہترین انتظامات کیے گئے تھے اور پرامن انداز میں پولنگ کا عمل جاری رہا۔ انہوں نے پولنگ کے انتظامات پر اطمینان کا اظہار کیا۔

چکوٹھی میں عوام سے خطاب کرتے ہوئے انسپکٹر جنرل پولیس نے کہاکہ ہماری اولین ترجیح عوام کوووٹ کا آزادانہ حق رائے دہی کا حق دینا ہے اور اس کیلئے سول انتظامیہ اور قانون نافذ کرنے والے تمام اداروں کے ساتھ پاک فوج بھی خدمات دے رہی ہے۔عوام آزادی سے اپنے ووٹ کا استعمال کریں اور اس قومی فریضہ میں بڑھ چڑھ کر حصہ لیں۔ پولنگ کے دوران باہمی ہم آہنگی اور بھائی چارے کو فروغ دیں۔ آزاد کشمیر ایک پُر امن خطہ ہے اور اس سلسلہ میں امن و امان کی صورت حال قائم رکھنے کے لئے عوام کے بھرپور تعاون کی ضرورت ہے تا کہ انتخابات کا عمل خوش اسلوبی سے طے پا سکے۔انسپکٹر جنرل پولیس نے کہاکہ عوام الیکشن کو الیکشن تک محدود رکھیں اور رواداری کو فروغ دیں۔